Сыбайлас жемқорлық тәуекелдеріне ішкі талдаудың қорытындылары бойынша анықтама

Нұр-Сұлтан қаласы әкімдігінің «Дәулет» спорткомбинаты» мемлекеттік коммуналдық қазыналық кәсіпорнының (бұдан әрі – Кәсіпорын) сыбайлас жемқорлық тәуекелдеріне ішкі талдау Кәсіпорын директорының 2019 жылғы 15 тамыздағы № 02-03/63 бұйрығының негізінде құрылған комиссиямен, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес жүргізілді.

Аталған комиссиямен Кәсіпорын өз қызметінде басшылыққа алатын кодекстер, заңдар, нормативтік-құқықтық актілер, құқықтық актілер зерттелді: Қазақстан Республикасының Конституциясы, Қазақстан Республикасының Азаматтық кодекс, «Сыбайлас жемқорлыққа қарсы іс-қимыл туралы», «Мемлекеттік мүлік туралы», «Дене шынықтыру және спорт туралы», «Мемлекеттік сатып алу туралы» Қазақстан Республикасының Заңдары, сыбайлас жемқорлыққа қарсы іс-қимыл сыбайлас жемқорлыққа қарсы іс-қимыл Қазақстан Республикасының Еңбек кодексі, Қазақстан Республикасының Бюджет кодексі, Кәсіпорынның Жарғысы, дене шынықтыру және спортты дамытудың бағыттарын және келешегін белгілейтін басқа заңнамалық және нормативтік құқықтық актілері.

Дискрециялық өкілеттіктер мен нормаларды талдау нәтижесі бойынша сыбайлас жемқорлық құқық бұзушылықтар жасауға ықпал ететін себептер айқындалмады.

Кәсіпорынның ұйымдастыру-басқарушылық қызметінің сыбайлас жемқорлыққа қарсы талдауда келесі бағыттар тексерілді:

1) қызметшілермен басқару, соның ішінде кадрлардың тұрақтамауы;

Кәсіпорынның жұмыскерлер саны – 128 жұмыскер, соның ішінде әкімшілік-басқару қызметкерлері – 35, техникалық қызметшілер – 72, жаттықтырушылар құрамы – 21, баланы күту бойынша демалыста – 7. 2019 жылдың 7 ай ішінде 24 адам қабылданды, 26 адам жұмыстан шығарылды. Кадрлардың тұрақтамауы 20,16% құрайды.

Барлық қызметкерлер біліктілік талаптарға сәйкес, жоғары білімге ие – 55, соның ішінде спорт білімі – 22, арнайы орта – 25, жалпы орта – 49. Зерттелген кезеңде теріс уәж бойынша жұмыстан шығарылғандар, сондай-ақ шарттың талаптарын бұзғаны үшін тәртіптік жауапкершілікке тартылған жұмыскерлер жоқ;

2) Мүдделер қайшылығы фактілері айқындалмаған;

3) Кәсіпорын Мемлекеттік басқару органымен белгіленген мәдениет және спорт саласында, спорт түрлерінде, теннис спорт түрінде мемлекеттік сатып алуды жүзеге асырады.

Кәсіпорын жұмыскерлеріне қатысты жағымсыз материалдарды айқындау үшін бұқаралық ақпараттар құралының мониторингі жүргізілді. Ондай жағымсыз материалдар айқындалмады.

Жоғарыда көрсетілген қызметтерді көрсету бойынша Кәсіпорын қызметіне қатысты тексерістер жүргізілмеді. Прокурорлық қадағалау актілері түспеді.

Қызметкерлердің құқықтық салауаттығын жоғарылату мақсатында мемлекеттік қызмет саласындағы сыбайлас жемқорлыққа қарсы іс-қимыл бойынша түсіндірме жұмысы өткізілді (жиналыстың хаттамасы қоса беріледі), Кәсіпорынның қызметіне қатысты заңдарды түсіндіру, Кәсіпорын қызметі туралы сайтта ақпаратты уақытылы орналастыру.

Жоғарыда баяндалғанның негізінде комиссия Кәсіпорынның қызметінде сыбайлас жемқорлық тәуекелдерінің болмағаны туралы қорытындысын жасады.